١-البوست مبني على وجهات النظر وحقائق وجودة القصص وبدرجة اقل المبيعات
٢- اذا كنت فان للشركتين خد البوست بروح رياضية ولو عندك اعتراض او حاجة عاوز تضيفها اكتبها في التعليقات
٣-مش هنذكر كل التفاصيل عشان محتاجة بوست لواحدها
في عام 1940 بدأت المنافسة بين الشركتين بكوميكس مستقلة فكاهية ملهاش علاقة بخط زمني معين او ببعضها وبعدها دي سي ومارفل بدأت تعمل كوميكس للابطال الخارقين (مش هما اول شركتين تعمل كوميك للسوبرهيرو) وكانت برضو ملهاش علاقة ببعض وبسيطة جدا فبدأت دي سي بنشر كوميك لواحد من اعظم شخصيات الشركة سوبرمان(كان اعظم بس باتمان خد اللقب منه في التسعينات ومابعدها) ونزلت كوميك عن باتمان وبعض الشخصيات اما على الجانب الاخر مارفل نزلت عن كا زار ونامور وبعض الشخصيات زي هيومن تورش والي كان فيلين تقريبا لنامور ومكنوش كافيين الناس كانت متعلقة بسوبرمان وباتمان خصوصا الاطفال الي تعلقو بروبن مساعد باتمان وحبوه اكتر من بات مان وده زائد شخصية ووندر وومان للبنات وفلاش جاي جاريك وشخصيات تانية مش عارف لايه
لكن مارفل بدأت تنافس لما عملت كوميك لكابتن اميريكا الي جزء كبير من نجاحه في هذه الفترة يعود لاسمه وفي فترة الاربيعنات والخمسينات dc كانت هي الاولى في عالم الكوميكس والمنافس الوحيد ليها كان شازام ومارفل كانت لسه ملهاش اسم كبير مقارنة ب dc و بس ملاحظة بسيطة مش معنى ان dc كانت متصدرة يعني كان حالتها كويسة لا في شوية قوانين متعلقة بالتصنيف العمري صدرت جابت مبيعاتها الارض واضطرو يغيرو ابطال زي جاي جاريك بدلوه بباري الن وعملو السيلفر ايج وفي ستينات ستان لي ينقذ مارفل ويخليها اول شركة في الكوميكس في الفترة دي فيقدم شخصيات رائعة زي هالك وسبايدرمان وايرون مان وفرقة الفانتاستيك والافينجر والاكس مين فمارفل عملت تسجيل دخول كبار شخصيات وعلمت على الكوميكس وسيطرت عليه في الستينات وخصوصا سبايدرمان الي قصصه كانت سابقه عصرها واحسن قصص الفترة دي واستمر تفوقها على dc في السبعينات وفي بعض الفترات كانو متقاربين لكن dc نزلت مبيعاتها وحصلها ازمة مالية وفلست ومارفل سيطرت تماما من سنة 1980 الى 1985 الفترة دي مبيعات dc نزلت كتير جدا الكوميك مستواها زفت كجودة وشخصيات لكن dc عملت حاجة غيرت مبادئ الكوميكس وعملت ريبوت كامل وازمة ضخمة تصنف على انها من الاعظم في تاريخ الكوميك وهي
Crisis on Infinite Earthsفي عام 1986 ومش بس كده كاتب عظيم يروح ليها هو فرانك ميلر والي هيتسبب بعودة dc وتصدرها للمبيعات الازمة عملت ريبوت كامل ورجع العالم للصفر و ده كان الوقت المناسب لعمل تغيير في شخصية باتمان وعالمه هيخليه اعظم شخصية في تاريخ dc ويرجع الشركة للصدارة
ده كان الجزء الاول الجزء التاني هنتكلم
1-فترة الكوميك الذهبية في التسعينات
2 -تصدر dc بعد الريبوت وتحويل باتمان الي شخصية ظلامية وانقاذ فرانك ميلر ليه
3-ازمةمارفل المالية .
4-المنافسة من سنة 2000 الى الان
ليست هناك تعليقات:
إرسال تعليق